Urrats berri bat eman du Udalak Zorrotzaurreko marea handien eta uholdeen ondorioak arintzeko

Bilboko Udalak, EAJ-PNV buru duela, aurrera egin du Zorrotzaurren, euri-jasek eragindako marea handien eta uholdeen ondorioak ahal den neurrian prebenitzeko eta arintzeko helburua lortzera begira, bi uholde-biltegiak eraikitzeko lanak amaituta. Uholde arriskuek Deustuko Erriberako etxebizitzei eragiten diete nagusiki. EAJ-PNVk 2023-2027 legegintzaldirako hauteskunde-programan jaso zuen tanke horiek martxan jartzea, bai eta Deustuko Erriberan uholdeak saihesteko babes-petrila eraikitzea ere. Datozen hilabeteetan amaituko dira lanak.

Helburu horrekin, Artiach eta Papelera eraikinetatik gertu dauden bi udal-lurzatitan uholdeetarako bi biltegi egiteko obrei ekin zaie. Udaletik azaldu dutenez, "ingeniaritza lan oso zaila" izan da, eta mugarri garrantzitsua da Deustuko Erriberako bizilagunen bizi-kalitatea hobetzeko bidean.

Aurreikuspenen arabera ekipamendu horiek Hitzarmen Batzordearen kontura inguruneak berrurbanizatzeko egiten ari diren obrak amaitzen direnean jarriko dira martxan.

ITURRIA: Bilboko Udala