EAJ-PNVk irmo salatzen eta gaitzesten du Larraskituko neskatoaren erailketa, indarkeria bikarioaren adierazpenik bortitzena
EAJ-PNVk bat egiten du Bilboko Udaleko talde politikoek adostutako adierazpen instituzionalarekin eta parte hartuko du gaur, 12:00etan, udaletxeko eskaileretan deitutako elkarretaratze publikoan.
Bilboko Udaleko talde politikook Adierazpen Instituzional hau egiten dugu:
- Bilboko Udalak erabateko gaitzespena eta sumindura adierazi nahi du Errekalden gertatutako gure auzokidearen hilketagatik, indarkeria bikarioaren adierazpena dena
- Udalak laguntza eta elkartasun osoa ematen die biktimaren senideei eta gertuko inguruneari
- Gogorarazi bilbotarrei hilketa matxismoaren adierazpenik larriena eta lehen mailako arazo soziala dela. Indarkeria matxista, forma guztietan emakumeen aurka erabiltzen dena, gizarte-gaitz bat da, haien osotasun fisiko eta moralaren aurkako atentatua, haien duintasunaren aurkako erasoa, eta, ondorioz, giza eskubideen urraketa larri eta onartezina.
- Horregatik, Bilboko Udalak berretsi egiten du indarkeria matxista bere forma guztietan desagerrarazteko konpromisoa. Herritar guztiei posizionamendu aktiboa erakuts dezatela eskatzeaz gain, indarkeria matxistaren aurrean erantzukizun indibidual eta kolektiboa ere har dezatela.
- Udal honek biktimaren familiari eta inguruari ematen dion laguntza eta elkartasuna berresten du, eta beharrezkoak diren udal-zerbitzu guztiak jartzen ditu haren esku
Horregatik guztiagatik, Udalak gaur, maiatza 30, 12:00etan, kontzentrazio publiko bat egitera dei egiten du, Udaletxeko harmailadian.
ITURRIA: Bilboko Udala
30Maiatzak 
